O‘zbekiston Respublikasi Prezidentining 2021 yil 13 iyuldagi “Yoshlarni har tomonlama qo‘llab-quvvatlash va ularning ijtimoiy faolligini yanada oshirishga oid qo‘shimcha chora-tadbirlar to‘g‘risida”gi  PF-6260-son Farmoni hamda O‘zbekiston Respublikasi Qurolli kuchlari tashkil etilganligining 32 yilligini va vatan 14 yanvar ximoyachilari kuni munosabati bilan, Surxondaryo viloyati Huquqni muhofaza qiluvchi organlari hamda Yoshlar ittifoqi viloyat kengashi bilan xamkorlikda joriy yilning 6 yanvar kuni Termiz tumani, “Otchopar” massivi Milliy gvardiya Surxondaryo viloyati “Chavondozlar maktabi”da  huquqni muxofaza qiluvchi organlarida xizmat qilib kelayotgan yosh xodimlar uchun “Ot sporti” va “Kamondan o‘q uzish” sport turlari bo‘yicha “Mahorat dars”lari tashkil etildi.

Tadbir avvalida, viloyat Milliy gvardiyasi “Chavondozlar maktabi” direktori mayor Doston Murodullaev so‘zga chiqib, ushbu maktab tashkil etilishi, faoliyati va ot minishda havfsizlik qoidalari haqida tadbir ishtirokchilariga tushunchalar berdi.

Tadbir davomida ishtirokchilar Ot sport turi bo‘yicha o‘zlariga kerakli ma’lumotlarni olganlaridan so‘ng shu yerning o‘zida kamondan o‘q uzish sport turi bo‘yicha merganlik mahoratlarini sinovdan o‘tkazishdi.

Tadbir so‘ngida, o‘zlarining faolligi bilan ajralib turgan yosh xodimlarga Yoshlar ittifoqi viloyat kengashining tashakkurnomalari hamda kitoblar to‘plami topshirildi.

Albatta bu kabi tadbirlarning o‘tkazilishidan ko‘zlangan asosiy maqsad, yosh xodimlarda vatanparvarlik xissini yanada oshirish hamda ularning bo‘sh vaqtlarini samarali-mazmunli o‘tkazishdan iboratdir.