O‘zbekiston Respublikasi IIV “Dinamo” Jismoniy tarbiya va sport jamiyatining rejasiga asosan  2024 yilning 27-28 mart kunlari Termiz shahridagi Surxondaryo viloyat IIB  sport majmuasida  Surxondaryo viloyati huquqni muhofaza qiluvchi organlarida xizmat o‘tayotgan  xodimlar o‘rtasida sportning “Yunon-Rum kurashi” va “Erkin kurash” turlari bo‘yicha viloyat birinchiligi musobaqasi o‘tkazildi.

Sport musobaqasi murosasiz kurashlarga boy bo‘lib, Surxondaryo viloyatida  xizmat o‘tayotgan Ichki ishlar boshqarmasi, Milliy gvardiya, Chegara qo‘shinlari xodimlaridan iborat 3 ta terma jamoadan  to‘rtta vazn  toifasida  8 nafardan  jami  32 nafar sportchilar ishtirok etishdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra 1-o‘rinni viloyat DXXB Chegara qo‘shinlari terma jamoasi,  2-o‘rinni viloyat IIB terma jamoasi,                       3-o‘rinni viloyat Milliy gvardiya  boshqarmasi terma jamoasi sportchilari qo‘lga kiritishdi.

G‘oliblar O‘zbekiston Respublikasi IIV “Dinamo” JTSJ Surxondaryo viloyati Kengashi tomonidan diplom, medal va qimmatbaho esdalik sovg‘alari bilan taqdirlandilar.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol” , “Yunon-Rum kurashi”, “Kombat aykido” to‘garaklarida hozirgi kunda jami 515 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallashmoqda.