Surxondaryo viloyati IIBda navbatdagi ma’naviyat va ma’rifat darsi “Ma’naviyatda diyonat va e’tiqodning o‘rni” mavzusiga bag‘ishlandi.
Joriy yilning 15 aprel kuni Surxondaryo viloyati Ichki ishlar boshqarmasi shaxsiy tarkibi bilan “Ma’naviyatda diyonat va e’tiqodning o‘rni” mavzusida “Ma’naviyat va ma’rifat” darsi o‘tkazildi.
Mavzu tafsilotlari yuzasidan Termiz davlat unversiteti tarix fakulteti prafessori tarix fanlari doktori Toshkenboy Pardaevning ma’ruzasi tinglandi.
Shundan so‘ng O‘zbekiston Respublikasi IIV Ma’naviy-ma’rifiy ishlar va kadrlar bilan ta’minlash departamenti Ijtimoiy himoya boshqarmasi boshlig‘ining o‘rinbosari mayor Dilshod Hakimov tomonidan Ichki ishlar organlari xodimlari o‘rtasida salbiy holatlarning oldini olish, korrupsiyaga murosasiz kurashish, qonunchilik va xizmat intizomiga qat’iy rioya etish bo‘yicha ma’lumotlar berib, shaxsiy tarkib e’tiboriga tarbiyaviy ahamiyatga ega bo‘lgan videofilm namoyish etildi.
Shuningdek, ushbu “Ma’naviyat va ma’rifat” darsi davomida, Respublika hududida ichki ishlar organlari xodimlari tomonidan o‘tgan bir hafta davomida sodir etilgan qonun hamda xizmat intizomi buzilish holatlari to‘g‘risidagi ma’lumotlar O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi mas’ul xodimi tomonidan shaxsiy tarkibga o‘qib eshittirildi.
Surxondaryo viloyati IIB Axborot xizmati
