Surxondaryo viloyati IIBda “Kadrlar xizmati fidoiylari” nomli kitobining taqdimotiga bag‘ishlangan tadbir bo‘lib o‘tdi
Joriy yilning 17 noyabr kuni Surxondaryo viloyati Ichki ishlar boshqarmasi katta majlistlar zalida O‘zbekiston Respublikasi Ichki ishlar vazirligi Birlashgan tahririyati tomonidan chop etilgan “Kadrlar xizmati fidoiylari” nomli kitobining taqdimoti bo‘lib o‘tdi.
Taqdimotda, IIV Birlashgan tahririyati bosh muharriri o‘rinbosari mayor A.Fayziev hamda viloyat IIB boshlig‘i o‘rinbosari podpolkovnik Sh.Shadievlar ishtirok etib, taqdimot ishtirokchilariga mazkur kitob Ichki ishlar organlari tizimida Kadrlar bilan ishlash sohasida uzoq yillar samarali xizmat qilgan hamda xizmat qilib kelayotgan o‘z kasbiga sadoqatli xodimlarning hayot yo‘li hamda xizmat jarayonida boshidan kechirgan mashaqqatlari aks ettirilganligi to‘g‘risida ma’lumotlar berib o‘tildi. Shu bilan birga so‘ngi yillarda ichki ishlar organlari tizimida kitobxonlik madaniyatini yuksaltirish hamda xodimlarda kitobga bo‘lgan mehrini oshirishga qaratilgan chora-tadbirlar izchil ravishda davom ettirib kelinayotganligi alohida e’tirof etilib, ushbu kitob bilan yaqindan tanishish bo‘yicha kerakli tavsiyalar berildi.
