Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmati Ma’naviy-ma’rifiy ishlar bo‘limi Psixologik ta’minlash guruhi mutaxassis-psixologlari tomonidan qamoqqa olingan, ushlangan yoki jazo muddatini o‘tayotgan, shuningdek, og‘ir turdagi jinoyatlarni sodir etgan shaxslar bilan bevosita xizmat olib boruvchi xodimlarning psixoemotsional holatini inobatga olgan holda ular bilan “psixologik reabilitatsiya” dasturi asosida psixologik trening o‘tkazildi. 

Psixologik treningda xodimlarning psixologik bilim saviyasini oshirish, stress va depressiv holatlardan oson chiqishni o‘rgatish, individual-psixologik xususiyatlarini rivojlantirish, kasbiy ko‘nikma va malakalarini oshirish, maxsus kontingent va fuqarolar bilan yuzaga kelishi mumkin bo‘lgan nizoli vaziyatlarni bartaraf etish xodimlar tomonidan o‘zini o‘zi boshqarish, nazorat qilish, ko‘tarinki kayfiyatni yaratish, muomalaga kirishish malakalarini shakllantirish, ruhiy tushkun holatdan chiqib ketish, xodimlarning xizmat jarayonida ko‘p uchraydigan stress holatlarini oldini olish hamda sog‘lom ruhiy muhitni va jamoani shakllantirishga alohida e’tibor qaratilib xodimlarga kerakli tavsiyalar berildi.

Tadbir so‘ngida xodimlarga stress, depressiya hamda agressiyadan holi bo‘lishlari uchun turli xil konsultatsiyalar berildi va xodimlar o‘zlarini qiziqtirgan savollariga javoblar olishdi.