Joriy yilning 18 fevral kuni Surxondaryo viloyati IIB boshlig‘i o‘rinbosari podpolkovnik Sh.Shodiev ishtirokida viloyat Ichki ishlar boshqarmasi shaxsiy tarkibi bilan “Dunyodagi geosiyosiy vaziyat va uning O‘zbekistondagi ta’siri" mavzusida “Ma’naviyat va ma’rifat” darsi o‘tkazildi. 

Mavzu tafsilotlari yuzasidan Termiz pedagogika instituti katta o‘qituvchisi Botir Egamberdiev

hozirgi kunda xalqaro munosabatlardagi o‘zaro ishonchning kamayib borayotgani, qarama-qarshilik va mojarolarning ortishi, barqarorlik va rivojlanishga xavf solayotgan jiddiy holatlar haqida so‘z yuritdi.

Shuningdek, ushbu “Ma’naviyat va ma’rifat” darsi davomida, Respublika hududida ichki ishlar organlari xodimlari tomonidan o‘tgan bir hafta davomida sodir etilgan qonun hamda xizmat intizomi buzilish holatlari to‘g‘risidagi ma’lumotlar viloyat IIB MMI va KBTX boshlig‘i o‘rinbosari, mayor X.Nurmatov tomonidan shaxsiy tarkibga o‘qib eshittirildi. 

Shundan so‘ng, viloyat IIB Jamoat xavfsizligi xizmati yo‘l harakati xavfsizligi boshqarmasi bo‘linmalari saf bo‘linmalari yo‘l-patrul xizmati bataloni uchinchi safarbar guruhi yo‘l-patrul xizmati inspektori safdor Nurmamatov Erkin Absoat o‘g‘li fidokorona xizmati uchun rag‘batlantirildi.  Onasi Jarqin Abduvositovnaga Surxondaryo viloyati Ichki ishlar boshqarmasi boshlig‘i minnatdorchiligi aks etgan tashakkurnomasi topshirildi. 

Surxondaryo viloyati IIB Axborot xizmati