Surxondaryo viloyati IIB boshlig‘i tomonidan Muzrabot tumanida amalga oshiriladigan yirik loyihalar, yoshlar muammolarini o‘rganish ishlarini tashkil etishga alohida e’tibor qaratildi.
Joriy yilning 19 yanvar kuni viloyat IIB boshlig‘i Abduvohid Ismoilov tomonidan Muzrabot tumandagi ijtimoiy soha ob’ektlari, qishloq xo‘jaligidagi agrotexnik tadbirlar, tumanda amalga oshiriladigan yirik loyihalar, yoshlar muammolarini o‘rganish ishlarini tashkil etishga alohida e’tibor qaratildi.
Xususan, tumanning “Yangidiyor” mahallasida joylashgan “Muzrabot paxta qabul qilish” MChJga hamda “At-termiziy” mahallasidagi tuman Agroservis MTPdagi qishloq xo‘jaligi texnikalarining kelgusi agrotexnik tadbirlarga sozligini o‘rganish maqsadida tashrif buyurdi.
Tashrif davomida qishloq xo‘jaligi sohasida tinim bilmay ishlayotgan bir guruh xodimlarni rag‘batlantirish maqsadida pul mablag‘lari berildi.
Bundan tashqari, o‘rganish davomida taqdimot o‘tkaziladigan joyni sifatli tayyorlash maqsadida 4-chegara post hududida obodonlashtirish, metal konstruksiyali ayvonning (besetka) qurilish - montaj ishlari bilan bir qatorda tashrif ob’ektiga olib boruvchi yo‘laklarni tozalash va pardozlash ishlari bilan yaqindan tanishdi.
Shuningdek, tumandagi 3- sonli va 39-sonli umumta’lim maktablarini tumanda namunali ta’lim maktabiga aylantirish maqsadida Jarqo‘rg‘on tumanidagi 32-sonli umummiy o‘rta ta’lim maktab faoliyati bilan tanishish uchun ushbu maktabga tashrif buyurib, u yerda yaratilgan shart-sharoitlar bilan yaqindan tanishib, amaliy ko‘nikmalar ortirish bo‘yicha o‘zaro tajriba almashildi.
Shu kunning o‘zida tuman hokimligi binosida tuman hududida istiqomat qilib kelayotgan yoshlar bilan uchrashuv o‘tkazilib, ularning muammolari tinglanib, uchrashuvda qilingan murojaatlarning 2 tasi joyida ijobiy hal etildi. Uchrashuv davomida faol yoshlarning 2 nafariga tikuv moshinkalari berildi.
