Sherobod tumanida telefon o‘g‘risi qo‘lga olindi
Qiziriq tumanida yashovchi, R.Karima (ism shariflar o‘zgartirilgan) Sherobod tuman IIBga 2023 yil 13 may kuni ariza bilan murojaat qilib, unda 6 may kuni soat 23-30 larda, tumanning “Taroqli” mahallasida joylashgan restoranda stol ustida qo‘ygan 1 dona “IEFINIX” rusumli, qo‘l telefonini noma’lum shaxs o‘g‘irlab ketganligini bildirgan.
Ichki ishlar organlari xodimlari tomonidan ko‘rilgan choralar natijasida, ushbu o‘g‘irlik jinoyatini shu tumanda yashovchi, maktab o‘quvchisi, 2006 yilda tug‘ilgan I.Sardor sodir etganligi aniqlanib ushlangan va ashyoviy dalil olingan. Mazkur holat yuzasidan 13 may kuni I.Sardorga nisbatan O‘zbekiston Respublikasi Jinoyat kodeksining 169-moddasi 1-qismi bilan jinoyat ishi qo‘zg‘atilgan.
Surxondaryo viloyati IIB Axborot xizmati
