Sharg‘unda bolajonlarga viloyat IIB boshlig‘ining yangi yil sovg‘alari ulashildi
Har yili Yangi yil kirib kelishi o‘zgacha bir quvonch va shodlik bilan kutib olinadi. Bu yil ham Yangi yil o‘zgacha bir shukuh va iftixor tuyg‘ulari ila nishonlanmoqda. Sariosiyo tumanining Sharg‘un shaharchasida istiqomat qilib kelayotgan kam ta’minlangan, boquvchisini yo‘qotgan, ishlash maqsadida xorijiy davlatlarga ketgan fuqarolarimizning oilasidan xabar olinib ularning farzandlariga Surxondaryo viloyati IIB boshlig‘ining sovg‘alari ulashildi.
Bolajonlarga Surxondaryo viloyati IIB Moliya va Moddiy texnika ta’minoti boshqarmasi boshlig‘ining birinchi o‘rinbosari podpolkovnik S.Ergashev hamda Sariosiyo tumani IIB boshlig‘i podpolkovnik M.Amanto‘raevlar har bir xonadonlarga kirib, xonadon sohiblarini bayram bilan tabriklab, yangi yil sovg‘alarini topshirishdi.
Yangi yil sovg‘alariga ega bo‘lgan bolajonlar yangi yil bayramini o‘zgacha bir quvonch bilan kutib olishmoqda.
Xonadon sohiblari bunday e’tibor va g‘amxo‘rlikdan o‘z minnadorchiliklarini bildirishib, tashakkurlar aytishdi.
