O‘zbekiston Respublikasi IIVning tegishli ko‘rsatmasi ijrosini ta’minlash maqsadida, Surxondaryo viloyati IIB tarkibida bo‘lgan ortiqcha vaznga ega ya’ni semizlikning 3-4 darajasida turuvchi xodimlar bilan uchrashuv o‘tkazildi.

Unda boshqarma boshlig‘i o‘rinbosari podpolkovnik Shadiev Sherzod Fayzullaevich so‘z olib, ayrimlar normal holat hisoblaydigan, aslida ko‘plab kasalliklarning asosiy sababchisi bo‘lgan semizlik hozirgi kunda tibbiy-ijtimoiy muammoga aylanganligini hamda ortiqcha vazn va semizlik salomatlikka salbiy ta’sir ko‘rsatib, bir qator surunkali kasalliklarga sabab bo‘lishi mumkinligi xaqida tushuntirib o‘tdi .

Tadbir davomida shifokorlar tomonidan semizlikni asosan 3 turga bo‘linishi, bularning birinchisi birlamchi, ya’ni ekzogen-konstitutsional semizlik, bu holat zamirida kamharakatlik – gipodinamiya, me’yoridan ortiq ovqatlanish va nasliy beriluvchanlik yotishi, ikkilamchi semizlik turli endokrin kasalliklar oqibatida yuzaga kelsa, keyingi holatda semizlik irsiy genetik kasalliklar natijasida ro‘y berishi mumkinligi, shuningdek, kunlik ovqatlanish me’yorlariga amal qilish borasida dietolog shifokorlarning tavsiyalari tinglandi hamda ortiqcha vazndan xalos bo‘lish borasida tayyorlangan maxsus videorolik namoyish etildi.

Tadbir so‘ngida, yig‘ilish ishtirokchilarga xodimlarining antropometrik ko‘rsatkichlarini rejali normallashtirishda professional yordam ko‘rsatish bo‘yicha metodik qo‘llanmalar tarqatilib, ortiqcha vazndan xalos bo‘lish bo‘yicha muddatlar berildi.