Sariosiyoda, qora mol o'g'risi qo'lga olindi
Sariosiyo tumanida 2021 yil 7 dekabr kuni tumanning "Subhidam" mahallasida yashovchi, Sh.Shoberdi (ism shariflar o'zgartirilgan) tuman IIBga ariza bilan murojaat qilib, unda 3 dekabr kuni tumanning "Subhidam" mahallasida joylashgan, akasi Sh.Sherzodga tegishli bo'lgan bog'da bog'lanib turgan 3.400.000 (uch million to'rt yuz ming) so'mlik 1 bosh qoramolini noma'lum shaxslar o'g'irlab ketganligini ma'lum qilgan. Ichki ishlar organlari xodimlari tomonidan ko'rilgan choralar natijasida, ushbu o'g'irlikni shu tumanda yashovchi, I.Ibod sodir etganligi aniqlanib, ushlangan va ashyoviy dalil olingan. 13 dekabr kuni I.Ibodga nisbatan O'zbekiston Respublikasi Jinoyat kodeksining 169-moddasi 1-qismi bilan jinoyat ishi qo'zg'atilgan.
Surxondaryo viloyati IIB axborot xizmati
