Sariosiyoda, ichki ishlar organlari xodimlari o‘rtasida “Zakovat” intellektual o‘yini o‘tkazildi
Sariosiyo tumani “Yangi O‘zbekiston” istirohat bog‘idagi Ma’naviyat maskanida O‘zbekiston Respublikasi Konstitutsiyasi qabul qilinganligining 32 yilligi munosabati bilan tuman Ichki ishlar organlari xodimlari o‘rtasida “Zakovat” intellektual o‘yini o‘tkazildi.
Unda, tuman hokimi Abduqodir
Donayev, tuman Ichki ishlar bo‘limi boshlig‘i G‘.Xo‘jamqulov, bo‘lim boshlig‘i
o‘rinbosari N.Xoliqov, Respublika ma’naviyat markazi tuman bo‘linmasi boshlig‘i
S.Bomatov hamda profilaktik inspektorlari ishtirok etishdi.
“Zakovat” intellektual o‘yinida
tuman ichki ishlar bo‘limi xodimlaridan tuzilgan jami 4 ta jamoa ishtirok etib,
mazkur jamoalar ishtirokidagi bahslar murosasiz bellashuvlarga boy tarzda
bo‘lib o‘tdi.
Bellashuvlar natijasiga ko‘ra,
faxrli 3-o‘rinni "Xufar" jamoasi, faxrli 2-o‘rinni “Leytenantlar”
jamoasi hamda 1-o‘rinni “Jasorat” jamoasi qo‘lga kiritdi.
Musobaqaning g‘olib va sovrindorlari
bo‘lim boshlig‘ining diplom, kitoblar jamlanmasi hamda qimmatbaho sovg‘alari
bilan taqdirlandilar.
Bu kabi intellektual o‘yinlarning
tashkil etilishi ichki ishlar organlari xodimlarining bilim va salohiyatini
intellektual qobiliyati shuningdek hozir javobligini oshirishga xizmat qilishi
bilan birgalikda xodimlarning o‘z ustida ishlashlari, kitob o‘qishga bo'lgan
qiziqishlarini yanada oshirishga xizmat qiladi.
