Sariosiyo tumanida mahalla beshligi bilan uchrashuv bo‘lib o‘tdi
Kuni kecha Sariosiyo tuman hokimligi majlislar zalida Sariosiyo tumani hokimi A.Donaev boshchiligida tuman hokimining o‘rinbosarlari, tumandagi tashkilot va korxona rahbarlari hamda tumandagi 61 ta mahalla fuqarolar yig‘inlari raislari, hokim yordamchilari, yoshlar yetakchilari hamda xotin-qizlar faollari bilan uchrashuv o‘tkazildi.
Uchrashuvda “Mahalla beshligi” bilan amalga oshirilayotgan ishlar muhokama qilindi. Xususan, mahallalarda olib borilayotgan obodonlashtirish ishlari, quyosh panellaridan foydalanish, soliq tushumi, ijtimoiy himoyaga muhtoj oilalar bilan ishlash va shu kabi bir qator masalalar ko‘rib chiqildi.
Shuningdek, mahalla faollarining ish yuritish tartibi, nomenklatura hujjatlarini yuritilishi, fuqarolarning murojaatlari bilan ishlashda mahallala faollarining hujjatlari tuman rahbari tomonidan muhokama qilindi va mahalla faollarining ma’ruzalari tinglandi.
Yig‘ilish so‘ngida, “Mahalla beshligi” yagona tizim asosida ishlab, barcha masalalarni birgalikda o‘rganishi va yakdil xulosaga kelishi yana bir bor eslatib o‘tildi.
Mas’ullarga belgilangan tadbirlarni sifatli amalga oshirish bo‘yicha yangi vazifalar belgilab berildi.
