Xalq bilan muloqot tizimini yanada takomillashtirish, aholi uchun dolzarb bo‘lgan muammolarni tezkor hal etish orqali ularning turmush tarzini yaxshilash maqsadida, vazirlik – idora, sektor, viloyat va tumanlardagi barcha darajadagi rahbarlar tomonidan joylarda sayyor qabullar o‘tkazilish belgilangan.

Shu munosabat bilan joriy yilning 2 fevral kuni Surxondaryo viloyati  Muzrabot tumani “Yakka tol” mahallasida joylashgan 8-sonli umumiy o‘rta-ta’lim maktabi binosida Surxondaryo viloyati IIB boshlig‘i polkovnik Ismoilov Timur Kamalatdinovich rahbarligida, viloyat Xalq qabulxonasi vakillari va mutasaddi tashkilot rahbarlari ishtirokida “Obod xonadon”, “Obod ko‘cha” va “Obod mahalla” mezoni doirasida amalga oshirilgan ishlar hamda mahalla aholisining muammolarini o‘rganish maqsadida “Sayyor qabul” tashkil etildi.

Viloyat ichki ishlar boshqarmasi boshlig‘i boshchiligida  o‘tkazilgan qabulda fuqarolarning salomatlik, ijtimoiy himoya, bandlik, uy-joy ta’miri, kredit, ta’lim va boshqa bir qator masalalarda bildirgan murojaatlari tinglanib, ijobiy yechim izlandi.

O‘z muammolariga yechim izlab kelgan fuqarolarning 30 ga yaqin murojaatlarining 16 tasi shu joyning o‘zida ijobiy hal etilgan bo‘lsa, 4 nafariga huquqiy tushuntirishlar berildi. O‘rganish talab etilgan 9 ta murojaatlarning ijrosi nazoratga olindi.

Sayyor qabullar davomida, Viloyat IIB boshlig‘i tomonidan
 4 nafar fuqaroga shaxsini tasdiqlovchi ID kartalar tantanali ravishda topshirildi.

Shundan so‘ng “Obod xonadon”, “Obod ko‘cha” va “Obod mahalla” mezoni doirasida Yakka tol mahallasida amalga oshirilayotgan ishlar bilan yaqindan tanishib, aniqlangan muammolarni bartaraf etish yuzasidan viloyat va tuman mutasaddi rahbarlariga tegishli topshiriqlar berildi.