Joriy yilning 17 sentabr kunidan 27 sentabr kuniga qadar Respublika miqyosida “Xavfsiz hudud dolzarb 10 kunligi” tezkor profilaktik tadbiri doirasida, Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasi mas’ul xodimlari tomonidan, hududlarda xizmat olib borayotgan inspektor-psixologlar shuningdek, keng jamoatchilik vakillari bilan hamkorlikda viloyatimizdagi umumiy o‘rta ta’lim hamda kasb-hunar maktablari, litsey va xususiy ta’lim muassasalari o‘quvchilari, shuningdek og‘ir toifadagi yoshlar o‘rtasida ta’lim muassasalari, mahalla hududida jinoyat va huquqbuzarliklar sodir etilishiga yo‘l qo‘ymaslik, ta’lim muassasalarini havfsiz hududga aylantirish, ota-onasi xorijiy davlatlarga vaqtincha ishlash maqsadida ketgan, shuningdek profilaktik hisobda turgan voyaga yetmaganlar bilan “O‘smir”, “Davomat”, “Tungi reyd” va “Tig‘” profilaktik tadbirlari amalga oshirilmoqda.

O‘tkazilayotgan profilaktik tadbirlar davomida, viloyat hududidagi 976 ta umumiy o‘rta ta’lim, 7 ta xususiy, 17 ta kasb-hunar maktablarida “O‘smir”, “Davomat”, “Tig‘” va “Tungi reyd”larda 1 436 marotaba “Davomad” tadbirlari o‘tkazilib, qariyib 37 nafar muntazam darslarga qatnashmay kelayotgan o‘quvchilarning to‘liq dars jarayonlariga qaytishi ta’minlandi.

Shuningdek, “O‘smir” va “tungi reyd” profilaktik tadbiri davomida viloyat hududida nazoratsiz va qarovsiz qolgan voyaga yetmaganlar, viloyat IIB Jamoat xavfsizligi xizmati Huquqbuzarliklar profilaktikasi boshqarmasi voyaga yetmaganlarga ijtimoiy-huquqiy yordam ko‘rsatish markazlariga joylashtirildi.

Bundan tashqari, maktab va kasb-hunar maktablari hamda litsey o‘quvchilari orasida biriktirilgan inspektor-psixologlar hamda ta’lim muassasalari o‘qutuvchilari bilan hamkorlikda o‘tkazilgan “Davomad” va “Tig‘” tadbiri davomida qariyb 32 nafar o‘quvchilarning yonida 37 dona o‘tkir tig‘li vositalar borligi aniqlanib, ularning ota-onalari va ularning o‘rnini bosuvchi shaxslarga nisbatan O‘zbekiston Respublikasi MJtKning 47-moddasi 1-qismi bilan ma’muriy choralar ko‘rilishi ta’minlandi. 

Viloyat miqyosida kuchaytirilgan profilaktik reyd tadbirlari davom etmoqda.