Yoshlarni harbiy vatanparvarlik, yuksak ma’naviy-axloqiy qadriyatlar ruhida tarbiyalash bo‘yicha joriy yilning aprel oyida viloyat IIB boshlig‘i o‘rinbosari podpolkovnik Sh.F.Shadievga biriktirilgan Sho‘rchi tumanida yashovchi 64 nafar uyushmagan yoshlarni bandligini ta’minlash hamda ularning muammolarini o‘rganish hamda bartaraf etish borasida bir qator amaliy ishlar olib borilmoqda. 

Viloyat IIB boshlig‘i o‘rinbosari podpolkovnik Sh.F.Shadiev tashabbusi bilan Sho‘rchi tumanida istiqomat qiluvchi huquqbuzarlik va jinoyat sodir etib, jazo muddatini o‘tayotgan yoshlar muammolari o‘rganilib, o‘rganishlar davomida muqaddam jinoyat sodir etib, ozodlikdan mahrum qilish bilan bog‘liq bo‘lmagan jazo muddatini o‘tayotgan probatsiya nazoratida turgan yoshlar orasidan tuzalish yo‘liga kirgan 4 nafarini muddatidan oldin jazodan ozod qilish bo‘yicha jinoyat ishlari bo‘yicha Sho‘rchi tumani sudiga kiritilgan taklifiga asosan joriy yilning 18 sentabr kuni ochiq sayyor sud majlisi bo‘lib o‘tdi.

Sud majlisida jinoyat sodir etib jazo muddatini o‘tayotgan probatsiya nazoratida bo‘lgan, belgilangan cheklovlarga to‘liq rioya qilib, xulq atvorida ijobiy tomonga o‘zgarish bo‘lgan jami 14 nafar mahkumlar muddatidan oldin ozod qilindi. Ozod qilingan mahkumlarning aksariyati yoshlarni tashkil etadi.

Shundan so‘ng, probatsiya nazoratda jazo muddatini o‘tayotganlar uchun tuman Kambag‘allikni qisqartirish va aholi bandligini ta’minlash bo‘limi bilan hamkorlikda “Mehnat yarmarkasi” tashkil etilib unda viloyat IIB boshlig‘i o‘rinbosari podpolkovnik Sh.F.Shadiev ishtirok etib yoshlarni ish bilan ta’minlash bugungi kunning eng dolzab masalalaridan biri ekanligiga alohida to‘xtalib o‘tdi.