16 Sentyabr 2023 yil 141

Sho‘rchi tumanida yashovchi “og‘ir” toifadagi yoshlar bilan manzilli ishlar amalga oshirilmoqda.

Yoshlarni harbiy vatanparvarlik, yuksak ma’naviy-axloqiy qadriyatlar ruhida tarbiyalash bo‘yicha joriy yilning aprel oyida viloyat IIB boshlig‘i o‘rinbosari podpolkovnik Sh.F.Shadievga biriktirilgan Sho‘rchi tumanida yashovchi 64 nafar uyushmagan yoshlarning bandligini ta’minlash hamda ularning muammolarini bartaraf etish yuzasidan tizimli ishlar amalga oshirilib kelinmoqda.  

O‘zbekiston – yoshlar mamlakati. Aholining 60 foizga yaqinini yoshlar tashkil etadi. Muhtaram Prezidentimiz Shavkat Mirziyoev farzandlarimiz zamonaviy ta’lim-tarbiya olishi, kasb-hunar egallashi, o‘ziga munosib ish topib, farovon hayot kechirishi uchun barcha imkoniyatlarni yaratib bermoqda. Yurtimizda har bir o‘g‘il-qizning dardu-tashvishini tinglaydigan, intilishlarini qo‘llab-quvvatlaydigan tizim yaratildi.

Joriy yilning 15 sentabr kuni viloyat IIB boshlig‘i o‘rinbosari boshchiligidagi ishchi guruh a’zolari tomonidan Sho‘rchi tumaniga tashrif buyurgan holda huquqbuzarlik va jinoyat sodir etib, jazo muddatini o‘tayotgan yoshlar muammolari xonadonlarga tashrif buyurilgan holda o‘rganildi.

O‘rganishlar davomida muqaddam jinoyat sodir etib, ozodlikdan mahrum qilish bilan bog‘liq bo‘lmagan jazo muddatini o‘tayotgan probatsiya nazoratida turgan yoshlar orasidan tuzalish yo‘liga kirgan 6 nafarini muddatidan oldin jazodan ozod qilish bo‘yicha taklif kiritish yuzasidan ko‘rsatmalar berildi.

Text to speech