Sho‘rchi tumani hududida huquqni muhofaza qiluvchi organ rahbarlari ishtirokida tadbirkor va yoshlar bilan uchrashuv o‘tkazildi.
Viloyatning
Sho‘rchi tumanida “Uychi tumani tajribasi” asosida tumanni ishsizlikdan holi hududga
aylantirish, migratsiya va kambag‘allikni qisqartirish, aholi daromadlarini oshirish
hamda tomorqadan samarali foydalanishni tashkil etish borasida keng ko‘lamli amaliy
ishlar boshlab yuborildi.
Viloyat
IIB boshlig‘i, Davlat xavfsizlik xizmati rahbari va boshqa mas’ullar ishtirokida
tumanning barcha mahallalari tadbirkorlari hamda yoshlari bilan uchrashib, ochiq
muloqot o‘tkazildi.
Bugun tumanning Bobur mahallasida bo‘lib o‘tgan uchrashuvda,
mahallalarda shakllangan kasb-hunarlarni rivojlantirib, drayverga aylantirish, shu
orqali aholi bandligi va daromadlarini oshirish bo‘yicha taklif va tashabbuslar
qo‘llab-quvvatlandi, amaliy yordam berish chora-tadbirlari belgilandi.
Mutasaddilarga sanoat zonasi maydonidan samarali foydalanish, yoshlarni va
ishsiz fuqarolarni hunarga jalb etish bo‘yicha ko‘rsatmalar berildi. Shu yerda mahallabay
ishlash orqali ishsizlikni kamaytirish bo‘yicha vazifalar muhokama qilindi.
