Qumqo'rg'onda tunda molxonadan qo'chqor o'g'irlandi
Qumqo'rg'on tumanida 2021 yil 24 oktabr kuni tumanning "Islomobod" mahallasida yashovchi, K.Zamira (ism shariflar o'zgartirilgan) tuman IIBga ariza bilan murojaat qilib, unda 23 oktabr kunidan 24 oktabr kuniga o'tar kechasi noma'lum shaxslar hovlisida joylashgan molxonasidan 1.800.000 (bir million sakkiz yuz ming) so'mlik 1 bosh qo'chqorini noma'lum shaxslar o'g'irlab ketganligini ma'lum qilgan. Ichki ishlar organlari xodimlari tomonidan ko'rilgan choralar natijasida, ushbu o'g'irlikni shu tumanda yashovchi, A.Obid sodir etilganligi aniqlanib ushlangan va ashyoviy dalil olingan. 26 oktabr kuni A.Obidga nisbatan O'zbekiston Respublikasi Jinoyat kodeksining 169-moddasi 2-qismi "g" bandi bilan jinoyat ishi qo'zg'atilgan.
Surxondaryo viloyati IIB axborot xizmati
