Qumqo'rg'on tumanida, velosiped o'g'risi qo'lga olindi
Qumqo'rg'on tumanida 2021 yil 13 dekabr kuni, tumanning "Bog'oro" mahallasida yashovchi, ishsiz, K.Karimbek (ism shariflar o'zgartirilgan) tuman IIBga ariza bilan murojaat qilib, 12 dekabr kuni o'ziga tegishli bo'lgan "AIST" rusumli, 800.000 (sakkiz yuz ming) so'mlik velosipedini noma'lum shaxs o'g'irlab ketganligini bildirgan. Bundan tashqari, shu kuni tumanning "Beshqahramon" mahallasida yashovchi, D.Doston murojaat qilib, 1.200.000 (bir million ikki yuz ming) so'mlik velosipedini noma'lum shaxs o'g'irlab ketganligini bildirgan. Ichki ishlar organlari xodimoari tomonidan ko'rilgan choralar natijasida, ushbu o'g'irlikni shu tumanda S.Sarvar sodir etganligi aniqlanib ushlangan va ashyoviy dalil olingan. 14 dekabr kuni S.Sarvarga nisbatan O'zbekiston Respublikasi Jinoyat kodeksining 169-moddasi 3-qismi "a" bandi bilan jinoyat ishi qo'zg'atilgan.
Surxondaryo viloyati IIB axborot xizmati
