O‘zbekiston Respublikasi Ichki ishlar vazirligi Jamoat xavfsizligi departamenti Probatsiya xizmati boshlig‘ining tegishli ko‘rsatmasiga asosan 2024 yil 27 iyul kuni Surxondaryo viloyati IIB Jamoat xavfsizligi xizmati Probatsiya bo‘limi boshlig‘i podpolkonik Sh.N.Musurmonov boshchiligida viloyat Surxondaryo viloyati IIB Jamoat xavfsizligi xizmati Probatsiya bo‘limida shahar-tuman IIB Jamoat xavfsizligi xizmati Probatsiya guruhlari xodimlari bilan “ZOOM” platformasi orqali onlayn o‘quv-seminar mashg‘uloti bo‘lib o‘tdi.

O‘quv-seminar mashg‘ulotida O‘zbekiston Respublikasi Ichki ishlar vazirining 2017 yil 27 iyuldagi “Muayyan huquqdan mahrum qilish, axloq tuzatish ishlari va ozodlikni cheklash tariqasidagi jazolarning ijrosini tashkil etish hamda shartli hukm qilingan shaxslar ustidan nazoratni amalga oshirish tartibi to‘g‘risidagi yo‘riqnomani tasdiqlash haqida”gi tegishli buyrug‘iga asosan tushunchalar berildi.

O‘quv-seminar mashg‘uloti davomida ushbu buyruqning aynan muayyan huquqdan mahrum qilish tariqasidagi jazo turi va uni ijro etishda nimalarga e’tibor qaratish lozimligi hamda Probatsiya xizmati xodimining majburiyatlari haqida tushunchalar berib o‘tildi.

Shuningdek, o‘quv-seminar ishtirokchilariga “Probatsiya oyligi” davomida barcha yo‘nalishdagi ishlarni jonlantirish yuzasidan tegishli topshiriqlar berildi.