O‘zbekiston Respublikasi Ichki ishlar vazirligi Jamoat xavfsizligi departamenti Probatsiya xizmati boshlig‘ining tegishli ko‘rsatmasiga asosan 2024 yil 20 aprel kuni Surxondaryo viloyati IIB Jamoat xavfsizligi xizmati Probatsiya bo‘limi muhim topshiriqlar bo‘yicha inspektori podpolkovnik Azizjon Ashurov boshchiligida Surxondaryo viloyati Davlat Soliq boshqarmasi, Soliq to‘lovchilarga xizmat ko‘rsatish bo‘limi bosh inspektori Shuxrat Arziqulov  tomonidan Surxondaryo viloyati IIB Jamoat xavfsizligi xizmati Probatsiya bo‘limida shahar-tuman IIB Jamoat xavfsizligi xizmati Probatsiya guruhlari xodimlari bilan ZOOM platformasi orqali onlayn o‘quv-seminar mashg‘uloti bo‘lib o‘tdi.

O‘quv-seminar mashg‘ulotida O‘zbekiston Respublikasi Vazirlar Mahkamasining 2023 yil 05 sentabr kunidagi “Aholini ijtimoiy ehtiyojmand ayrim toifalarini qo‘llab-quvvatlash va ularning bandligiga ko‘maklashish  bo‘yicha chora–tadbirlar to‘g‘risida”gi VMQ-450-son qarori mazmun-mohiyati yetkazilib, jazoni ijro etish muassasalaridan ozod qilingan shaxsni ishga qabul qilgan ish beruvchilar tomonidan subsidiya olish uchun murojaat qilish hamda Bandlikka ko‘maklashish davlat jamg‘armasi mablag‘lari hisobidan subsidiya ajratish tartibini nazarda tutuvchi Jazoni ijro etish muassasalaridan ozod qilingan shaxslarni ishga qabul qilgan ish beruvchilarga Bandlikka ko‘maklashish davlat jamg‘armasi mablag‘lari hisobidan subsidiya berish tartibi to‘g‘risida tushunchalar berildi.

Shuningdek, o‘quv-seminar ishtirokchilari o‘zlarini qiziqtirgan savollariga mutaxassis tomonidan javoblar olishdi.