O’zbekiston Respublikasi Vazirlar Mahkamasining 2023-yil 6-apreldagi “O’zbekiston Respublikasi Huquqni muhofaza qilish akademiyasida oliy ta’lim va oliy ta’limdan keyingi ta’limga qabul qilish va o’qitish tartibini belgilash chora-tadbirlari to’g’risida”gi 143-son Qaroriga muvofiq, “Tergov faoliyati” yo’nalishiga Surxondaryo viloyatidan o’rta va o’rta-maxsus ta’lim shaklidagi bitiruvchilar uchun tanlov e’lon qilinadi.

O’qish muddati 3 yil, nomzodning yoshi o’n yettidan kichik va yigirma beshdan katta bo’lmasligi, muddatli harbiy xizmat va safarbarlik chaqiruvi rezervida harbiy xizmatni o’taganlarning yoshi yigirma oltidan katta bo’lmamagan O‘zbekiston Respublikasi fuqarolari, shaxsiy va ishchanlik sifatlari, sog‘lig‘ining holati va jismoniy tayyorgarligi bo‘yicha xodimning xizmat majburiyatlarini bajarishga qodir bo‘lgan, bo‘yi 165 smdan past bo‘lmagan erkaklar va bo‘yi 160 smdan past bo‘lmagan ayollar ishtirok etishlari mumkin.

Huquqni muhofaza qilish akademiyasiga kirish istagida bo‘lgan fuqarolarni quyida ko‘rsatilgan muddatdan boshlab, soat 09:00 dan 18:00 ga qadar Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmatiga quyidagi hujjatlar bilan kelishlari so‘raladi:

• biometrik pasport yoki identifikatsiya ID-kartasi;
• tug‘ilganlik haqida guvohnomasi asli;
• O’rta va o’rta-maxsus ma’lumotni tasdiqlovchi hujjat (diplom ilovasi bilan) asli yoki o’qiyotganligini tasdiqlovchi ma’lumotnoma asli;
• harbiy guvohnoma asli;

Huquqni muhofaza qilish akademiyasi “Tergov faoliyati” bakalavriat ta’lim yo’nalishiga o’qishga kirish istagida bo’lgan nomzodlar joriy yilning 15-apreldan 15-may kuniga qadar boshqarma MMI va KBTXga murojaat qilishlari so’raladi.

 Huquqni muhofaza qilish akademiyasiga nomzodlarning arizalari 2023 yilning 15 aprel kunidan oldin yoki 15 may kunidan keyin qabul qilinmaydi.

Manzil: Surxondaryo viloyati, Termiz shahar “Katta bog’” mahallasi, Navbahor ko‘chasi. Surxondaryo viloyati IIB Ichki ishlar organlariga nomzodlarni qabul qilish markazi.

Qo‘shimcha ma’lumotlar uchun telefon: (95) 818-06-02

SURXONDARYO VILOYATI IIB MMI VA KBTX