Oltinsoyda xonadon o'g'risi qo'lga olindi
Oltinsoy tumanida 2022 yil 25 yanvar kuni, tumanning "To'xtamish" mahallasida yashovchi, S.Sarvinoz (ism shariflar o'zgartirilgan) tuman IIBga ariza bilan murojaat qilib, unda 22 yanvar kunidan 23 yanvar kuniga o'tar kechasi yashash uyidan 300.000 (uch yuz ming) so'mlik 1 dona gaz balon, 500.000 (besh yuz ming) so'mlik 1 dona "Grandfar" nomli suv nasosini, har bir kilosi 25.000 (yigirma besh ming) so'mdan bo'lgan 100 kg mayiz mahsuloti, 100.000 (yuz ming) so'mlik jami 5,05 litr bo'lgan uzum sharbati va 50.000 (ellik ming) so'mlik uch quti kafellari hamda 400.000 (to'rt yuz ming) so'mlik 1 dona gitara cholg'u asboblarini noma'lum shaxslar o'g'irlab ketganligini ma'lum qilgan. Ichki ishlar organlari xodimlari tomonadin ko'rilgan choralar natijasida, ushbu o'g'irlik jinoyatini shu tumanda istiqomat qiluvchi, N.Adxam sodir etganligi aniqlanib, ushlangan va ashyoviy dalil olingan. 3 fevral kuni N.Atxamga nisbatan O'zbekiston Respublikasi Jinoyat kodeksining 169-moddasi 2-qismi "g" bandi bilan jinoyat ishi qo'zg'atilgan.
Surxondaryo viloyati IIB axborot xizmati
