Shoira Zulfiya Isroilova tavalludining 110 yilligiga bag‘ishlangan davra suhbati o‘tkazildi.
Hamon e’tiqodim-haqiqat, haqdir,
So‘zlayman, yuzimni tutib Ka’baga,
Yemira olmaydi o‘tkinchi taqdir,
Osuda o‘tadi ruhim abadga.
Zulfiya
Joriy yilning 1 mart kuni O‘zbekiston Respublikasi IIV Surxondaryo akademik litseyida shoira Zulfiya Isroilova tavalludining 110 yilligi munosabati bilan "Bahor keldi, seni so‘roqlab..." mavzusida davra suhbati o‘tkazildi.
Davra suhbati davomida litsey o‘quvchilari
tomonidan aytilgan shoiraning bahor va muhabbat ruhini tarannum etuvchi she’rlari
barchaga ko‘tarinki kayfiyat ulashdi.
Davra suhbati yakunida Zulfiyaxonim hayoti
va ijodiga bag‘ishlangan badiiy film namoyish etildi.
Mazkur davra suhbati yoshlarning adabiyotga bo‘lgan qiziqishini oshirish, Zulfiya merosini keng targ‘ib etish hamda o‘quvchilarning ijodiy salohiyatini namoyon etishiga xizmat qildi.
