Yangi yil - yangi orzular, yangi rejalar, yangi maqsadlar va yangi natijalar demakdir!
O‘zbekiston Respublikasi Ichki ishlar vazirligi Surxondaryo akademik litseyida “Yangi yil - yangi orzular” shiori ostida ko‘tarinki ruhda bayram tadbiri bo‘lib o‘tdi.
Tadbirda akademik
litseyning iqtidorli o‘quvchi-yoshlari o‘zlarining she’riy tabriklari, raqs, qo‘shiq,
qiziqarli sahna ko‘rinishlari hamda Vatanparvarlik chiqishlari bilan bayram ishtirokchilariga
bayramona kayfiyat ulashishdi.
Tadbir yakunida,
akademik litsey rahbariyati tomonidan a’lo baholarga o‘qiyotgan o‘quvchilar, tadbirning
faol ishtirokchilari, “Yosh kitobxon” ko‘rik tanlovining viloyat bosqichiga yo‘llanmaga
ega bo‘lgan o‘quvchilar hamda eng namunali guruh sardorlari, shu bilan birga “Eng
yaxshi guruh rahbarlari” litsey rahbariyatining tashakkurnoma, esdalik sovg‘alari
va pul mukofotlari bilan taqdirlandi.
Bayramdan so‘ng esa o‘quvchilar uchun ajoyib bayram dasturxoni tashkil etildi.
