Navbatdagi psixologik uchrashuv ruhiy-emotsional holatlarning profilaktikasiga bag‘ishlandi.
Surxondaryo viloyatida Qo‘riqlash boshqarmasi xodimlari o‘rtasida jamoada sog‘lom muhitni shakllantirish va ruhiy-emotsional holatlarning profilaktikasiga bag‘ishlangan navbatdagi tadbir o‘tkazildi.
Harbiylashtirilgan nazoratchilar va qorovullik bo‘linmalari
xodimlari ishtirokida o‘tkazilgan mashg‘ulotda psixolog mutaxassislar tomonidan
ruhiy salomatlikning ahamiyati, ijtimoiy-psixologik muhitni barqaror saqlash, xizmatdagi
ziddiyatlarning oldini olish va ularni samarali hal etish yo‘llari yuzasidan psixologik
maslahatlar va tavsiyalar berildi.
Tadbir doirasida ishtirokchilar uchun maxsus psixologik
trening ham tashkil etildi. Trening davomida guruhli mashg‘ulotlar, rolli o‘yinlar,
jamoaviy muloqotni yaxshilovchi topshiriqlar bajarildi. Bu orqali xodimlarning bir-biriga
nisbatan ishonchi, o‘zaro hurmati va hamjihatlik ruhini yanada kuchaytirish maqsad
qilingan.
Tadbir yakunida ishtirokchilar o‘zlarini qiziqtirgan savollariga mutaxassislar tomonidan batafsil javoblar olishdi.
