Surxondaryo viloyat IIB Jamoat xavfsizligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy huquqiy yordam ko‘rsatish markaziga Muzrabod tumanida yashovchi voyaga yetmagan M.Aning oilaviy nizolar sababli, ota-ona o‘zaro kelishmovchiligi ortidan farzandlari tarbiyasiga salbiy ta’sir ko‘rsatganligi sababli, voyaga yetmagan ijtimoiy himoyaga muhtoj bo‘lganligi, nazoratsiz va qarovsiz qolganligi uchun joylashtirilgan. Voyaga yetmagan M.A. ismli qiz bilan profilaktik suhbatlar olib borilib, psixologik yordam ko‘rsatildi. Kelgusida jinoyat sodir etmasligi va jinoyat qurboni bo‘lishini oldini olish maqsadida, voyaga yetmaganning ota-onasi ishtirokida Muzrabod tumani bolalar masalalari bo‘yicha komissiyasida yig‘ilish muhokamasi o‘tkazildi.

O‘zbekiston yoshlar ishlari bo‘limi boshlig‘i F.Raxmonov tuman xotin-qizlar masalasi bo‘yicha hokim o‘rinbosari M.Ashurova, voyaga yetmaganlarga ijtimoiy huquqiy yordam ko‘rsatish markazi psixologi kapitan M.Jo‘raeva,  tuman inson ijtimoiy xizmatlar markazi bolalarni ijtimoiy himoya qilish sho‘basi mudiri, mahalla yettiliga hamda faollari, nuroniy va oqsoqollar, maktabning o‘qituvchilari ishtirokida voyaga yetmagan M.Aning kelgusi ta’lim tarbiyasi va oilaviy sharoitini doimiy o‘rganish maqsadida, tuman hokimi o‘rinbosari so‘zga chiqib, oilaviy yashash sharoitini doimiy ravishda nazoratga olinishi, oiladagi nosog‘lom muxitni o‘rganib chiqilishi farzandini muqim bir joyda yashashini ta’minlash yuzasidan mahalla xotin-qizlar faoli murabbiy etib biriktirilib, onasi F.Bga himoya orderi berilishi haqida qaror qabul qilindi.

Shuningdek, M.Aning markazdan ketganidan so‘ng ta’lim tarbiyasi muntazam ravishda o‘quv mashg‘ulotlariga qatnashishini markaz xodimlari tomonidan VMning 490-sonli qaroriga asosan manitoring qilinishi va oilasini, doimiy ravishda yashash sharoitini nazoratga olib borilishi tuman profilaktika inspektoriga biriktirilib, voyaga yetmaganning qarovsiz va nazoratsiz qolganligi sababli yoshlar yetakchisiga nisbatan xulosa berilishi ta’kidlandi.  

Muhokama so‘ngida  nazoratsiz va qarovsiz yurganligi sababli uning otasiga nisbatan O‘zbekiston Respublikasi Ma’muriy javobgarlik to‘g‘risidagi kodeksining 47-moddasida belgilangan talablar bo‘yicha jarima jazosi tayinlanib, farzandining kelgusi taqdiriga befarq bo‘lmasligi haqida profilaktik tushuntirish ishlari olib borildi.