Muzrabot tumani 3 sektor hududidagi otaliqqa olingan yoshlar muammolariga ijobiy yechim topilmoqda.
Joriy yilning yanvar oyida Prezident Shavkat Mirziyoev raisligida o‘tkazilgan
Xavfsizlik kengashining kengaytirilgan yig‘ilishida yoshlar bilan ishlash tizimini
takomillashtirish, xususan, ularda vatanga sadoqat va harbiy-vatanparvarlik ruhini
shakllantishga alohida e’tibor qaratilgan edi.
Davlatimiz rahbari tashabbusi bilan yoshlarni har tomonlama qo‘llab-quvvatlash
borasida amalga oshirilayotgan keng qamrovli chora-tadbirlar, Surxondaryo viloyati
miqyosida o‘z aksini topmoqda.
Surxondaryo viloyati Muzrabot tumanida ham tuman IIB boshlig‘i, 3-sektor
rahbari O‘.Shukurov tomonidan sektordagi otaliqqa olingan yoshlar o‘rtasida, jinoyatchilikning
oldini olish borasida manzilli ishlar amalga oshirilmoqda.
Tuman 3-sektor hududidagi yoshlarni harbiy-vatanparvarlik ruhida tarbiyalash,
huquqiy savodxonligini oshirish, ijtimoiy qo‘llab-quvvatlash maqsadida ularni kasb-hunarga
o‘qitish va bandligini ta’minlashga ko‘maklashishga alohida e’tibor qaratilib, bu
boradagi say’i harakatlar o‘z yechimini topmoqda.
Jumladan, tumanning
3-sektor hududida joylashgan mahallalarda yoshlar bilan ishlash masalalarini muvofiqlashtirish
bo‘yicha ish rejalari va dasturlar ishlab chiqilib, bir qator amaliy ishlar olib
borilmoqda.
