Bugun Muzrabot tumani hokimligida navbatdagi yig‘ilish bo‘lib o‘tdi. Unda tuman hokimi  boshchiligida sektor rahbarlari, tegishli tashkilotlar mas’ullari hamda "Mahalla yettiligi" ishtirok etdi.

Yig‘ilishda O‘zbekiston Respublikasi Prezidentining 2025-yil 3-yanvardagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son Qarori ijrosi doirasida mahallalarda olib borilayotgan ishlar muhokama qilindi.

Qarorda belgilab berilgan vazifalar va bu boradagi ishlarni sust darajada olib borayotgan qizil toifadagi mahallalar yettilik a’zolari faoliyati tanqid qilinib, ularga tegishli tartibda intizomiy choralar ko‘rilishi yuzasidan ogohlantirildi.

Yig‘ilishda mahallalarda tinchlik va osoyishtalikni ta’minlashning mutlaqo yangi mexanizmlarini joriy etish, huquqbuzarlikni sodir etishga sabab bo‘layotgan ijtimoiy-maishiy muammolarni aniqlash hamda bartaraf etish bo‘yicha tegishli topshiriq va ko‘rsatmalar berildi.