Mutaxassis-psixologlar tomonidan IIV Akademiyasi kursantlari bilan psixologik davra suhbati tashkil etildi.
Surxondaryo
viloyati IIB Ma’naviy-ma’rifiy ishlar va kadrlar bilan ta’minlash xizmati Ma’naviy-ma’rifiy
ishlar bo‘limi psixologik ta’minlash guruhi mutaxassis-psixologlari tomonidan joriy
yilning 18 aprel kuni O‘zbekiston Respublikasi IIV Akademiyasi kursantlariga psixologik
davra suhbati tashkil etilib, ulardan psixologik testlar olindi.
Unda yosh
xodimlarning individual–psixologik xususiyatlari, kasbiy tayyorgarlik hamda xizmat
vazifalarini bajarishda chidamlilik, bardoshlilik va boshqa irodaviy sifatlari,
ekstremal vaziyatlarda psixologik turg‘unligini ta’minlash, o‘zining muammolarini
anglash, o‘ziga xos yo‘l topish, harakatlariga to‘g‘ri baho berishni shakllantirish
bo‘yicha mashg‘ulotlar o‘tkazildi.
Davra suhbati davomida mutaxassis-psixologlar
tomonidan amaliyot davomida kursantlar duch kelishi mumkin bo‘lgan xizmat intizomi
buzilishi, doimiy charchoq, ishonchsizlik, tushkunlik kabi salbiy holatlarni bartaraf
etish yuzasidan muhim tavsiyalar berildi.
