Muborak Ro‘za-i ramazon kunlari keksa yoshdagi nuroniylar e’zozlanib, ularga ehtirom ko‘rsatildi
Surxondaryo
viloyati IIB boshlig‘i 3-sektor rahbari, polkovnik Timur Ismailov tashabbusi bilan
Muzrabot tumani Yakkatol mahallasida istiqomat qiluvchi keksa yoshdagi faxriy va
nuroniylar e’zozlash, ularga ehtirom ko‘rsatish, madaniy va ma’naviy xordiq olishlarini
ta’minlash hamda ichki turizmni rivojlantirish maqsadida sayohat tashkil etildi.
Tashkil qilingan
sayohat asnosida, dastlab keksa yoshdagi faxriy va nuroniylar muqaddas ziyoratgohlar
Termiz tumanidagi “Al-Hakim At-Termiziy”, “Sulton Saodat” majmualari, Termiz shahridagi
“Hakim At-Termiziy” jome’ masjidiga borilib, o‘tgan avliyo va mo‘min musulmonlar
haqqiga qur’on tilovat qilindi. Qilingan ziyoratlar davomida, ushbu qadamjolarda
mangu qo‘nim topgan ajdodlarimizning avlodlar uchun ham dunyoviy, ham diniy ta’limotlariga
qo‘shgan hissalari haqida ma’lumotlar berildi.
Shuningdek,
sayohat davomida viloyat Ichki ishlar boshqarmasi Xavfsiz turizmni ta’minlash boshqarmasi
mas’ul xodimlari tomonidan tashrif buyuruvchi sayyohlarga yaratilayotgan qulayliklar
hamda ko‘rsatilayotgan xizmatlar to‘g‘risida ma’lumotlar ham berib o‘tildi.
