O‘zbekiston Respublikasi Ichki ishlar vazirining 2025 yil 24 mart kunidagi hamda viloyat IIB boshlig‘ining joriy yil 31 mart kunidagi tegishli farmoyishlariga asosan, “Xalqimizning xavfsizligi, tinchligi va osoyishtaligini saqlash eng ustuvor vazifamiz!” shiori ostida o‘tkazilayotgan “Ma’naviyat oyligi” doirasida, joriy yilning 19 aprel kuni viloyat ichki ishlar organlari yosh xodimlari o‘rtasida “Zukko kitobxon” ko‘rik-tanlovi o‘tkazildi.

Ushbu ko‘rik-tanlovda boshqarmaning sohaviy xizmat va barcha shahar-tuman ichki ishlar bo‘limlari xodimlari hamda viloyat ichki ishlar boshqarmasiga biriktirilgan 7-sonli maktab o‘qituvchilari ishtirok etishdi.

Qizg‘in va murosasiz kechgan baxslarda yakuniy natijalarga ko‘ra 3-o‘rinni Sherobod tumani IIB Jamoat xavfsizilig xizmati Huquqbuzarliklar profilaktikasi bo‘limi profilaktika inspektori katta leytenant Ro‘ziboy Choriev, 2-o‘rinni Qumqo‘rg‘on tumani IIB Jamoat xavfsizilig xizmati Huquqbuzarliklar profilaktikasi bo‘limi profilaktika inspektori katta leytenant Ilyos Sodiqov qo‘lga kiritgan bo‘lsa, musobaqaning mutloq g‘olibi bo‘lgan 1-o‘rin Muzrabot tumani IIB Jamoat xavfsizilig xizmati Huquqbuzarliklar profilaktikasi bo‘limi Tashkiliy-tahlil guruhi katta inspektori leytenant Davron Abduxamidov egallashdi.

Ko‘rik- tanlov yakunida g‘oliblikni qo‘lga kiritgan ishtirokchilar boshqarma boshlig‘ining diplom hamda qimmatbaho esdalik sovg‘alari bilan taqdirlandi.

Bu kabi tanlovlarni muntazam ravishda o‘tkazib borish, tizimda xizmat olib borayotgan xodimlarning intellektual salohiyati, dunyoqarashi, ma’naviyatini yuksaltirish, kitobxonlik madaniyatini oshirish hamda ularda notiqlik xususiyatlarini yanada rivojlantirishga yordam beradi.