Vazirlar mahkamasining 2020 yil 14 dekabrdagi 781-son qarori va Ichki ishlar vazirining 2025 yil 24 martdagi tegishli farmoyishiga asosan, joriy yilning 1 aprel kunidan 30 aprel kuniga qadar ichki ishlar organlarida “Ma’naviyat oyligi” deb e’lon qilingan.

Shu munosabat bilan, mazkur farmoyishda belgilangan dastur asosida,  joriy yilning 07 aprel kuni viloyat ichki ishlar boshqarmasida “Xalqimizning xavfsizligi, tinchligi va osoyishtaligini saqlash eng ustuvor vazifamiz!” shiori ostida, “Kitob yarmarkasi” tashkil etildi.

Mazkur yarmarkani o‘tkazishda ko‘zlangan asosiy maqsad, xodimlarning bilim va malakalarini boyitish, fikrlash doirasini kengaytirish, xodimlar o‘zlarining bo‘sh vaqtlarida, boy madaniy merosimiz, tarixiy an’analarimiz, umuminsoniy qadriyatlarga hurmat, Vatanga muhabbat, istiqlol g‘oyalariga sadoqat, kitobxonlik madaniyatini yuksaltirish va ularning ma’naviy-ma’rifiy hamda huquqiy savodxonliklarini yanada oshirishdan iboratdir.

Tashkil etilgan kitob yarmarkasida xodimlar o‘zlari sevib mutolaa qiladigan yozuvchi va adiblarning sara ijod namunalari aks etgan kitoblardan nafaqat o‘z ehtiyojlari uchun balki viloyat ichki ishlar boshqarmasida mavjud kutubxonaning kitob fondini boyitish maqsadida ham kitoblar harid qilishib, o‘z nomlaridan kutubxonaga esdalik tariqasida sovg‘a qilishdi.