Surxondaryo viloyati Ichki ishlar boshqarmasi ekspert-kriminalistika markazi katta eksperti Xudoyqul Nomazov tomonidan viloyatning shahar va tuman ichki ishlar bo‘limlari ekspert-kriminalistika guruhi mutaxassislari uchun amaliy mashg‘ulot tashkil etildi. Mashg‘ulotning asosiy mavzusi – hodisa sodir bo‘lgan joydan barmoq izlarini olishning zamonaviy yangi usullariga bag‘ishlandi.

O‘quv yig‘inida, Xudoyqul Nomazov zamonaviy texnologiya va innovatsion metodlar yordamida barmoq izlarini aniqlash, olish va tahlil qilish usullari bo‘yicha tajribasi bilan o‘rtoqlashdi. Mashg‘ulot jarayonida ishtirokchilarga turli xil o‘ziga xos barmoq izlarini olish texnikalari, shuningdek, bu jarayonda yuqori samaradorlikka erishish uchun zamonaviy vositalarni qo‘llash tartib qoidalari tushuntirildi va amalda ko‘rsatildi.

Surxondaryo viloyati IIB Ekspert-kriminalistika markazi mas’ullarining bugungi kundagi asosiy maqsadi – barmoq izlarini aniqlash va to‘g‘ri olish sohasidagi malakani yanada oshirish, ekspert mutaxassislarning amaliy ko‘nikmalarini takomillashtirish va jinoyatlarni ilmiy asosda tez va aniq tergov qilish imkoniyatini yaratishdan iborat.

Shuningdek, barmoq izlari yig‘ish jarayonida qo‘llaniladigan texnik va amaliy jihatlarga alohida e’tibor qaratildi.

Mashg‘ulot so‘ngida ishtirokchilarga yangi usullar bo‘yicha savol-javoblar qilinib, ularning fikr va mulohazalari eshitildi.

O‘tkazilgan ushbu o‘quv mashg‘uloti viloyat ekspert-kriminalistika guruhi uchun muhim ilmiy-amaliy ahamiyat kasb etib, kelgusida ishlab chiqarish jarayonlarida sifatli natijalarga erishishda mustahkam asos bo‘lib xizmat qiladi.