Joriy yilning 01 may kuni Toshkent tibbiyot akademiyasi Termiz filialida “Kibermadaniyatni yuksaltirish" mavzusi doirasida  targ‘ibot tadbirlari o‘tkazildi.

Mazkur targ‘ibot tadbirlari, Toshkent tibbiyot akademiyasi Termiz filiali  rahbar xodimlari va talabalari o‘rtasida tashkil etildi. Ushbu targ‘ibot tadbirlarida, Surxandaryo viloyat IIB Tezkor-qidiruv xizmati Kiberxavfsizlik bo‘limi mas’ullari o‘zlarining ma’ruzalari bilan ishtirok etishib, o‘z ma’lumotlari bilan o‘rtoqlashdi.

Targ‘ibot tadbiri davomida, hozirgi kunda sodir etilayotgan kiberjinoyat turlari, sodir etish maqsadlari, ijtimoiy tarmoqlar orqali tarqalayotgan soxta havolalar va zararli ilovalar haqida ma’lumot berib, ushbu kiberjinoyat qurboni bo‘lmaslik uchun tegishli tavsiyalar berildi.

Targ‘ibot tadbirida talaba yoshlar uchun maxsus videorolik namoyish etilib kibr xujumlardan qanday himoyalanish borasida ma’sul xodimlar tomonidan  kerakli ma’lumotlar olishdi.

Tadbir so‘ngida talaba yoshlarni qiziqtirgan savollarga  kiberxavfsizlik soha vakillari tomonidan huquqiy oqibatlari hamda qonuniy javobgarliklari to‘g‘risida javoblar berildi.