Surxondaryo viloyati Ichki ishlar boshqarmasi jamoat xavfsizligi xizmati huquqbuzarliklar profilaktikasi boshqarmasining voyaga yetmaganlarga ijtimoiy-huquqiy yordam ko‘rsatish markazida saqlanayotgan qizlar o‘rtasida o‘tkazilayotgan “KELAJAK SARI” profilaktik tadbiri davom etmoqda.

 Tadbirning 14 kuni, dam olish kuni bo‘lganligi sababli kunning birinchi yarmida har-xil ob-havo sharoitlarida voyaga yetmaganlarning chidamliligini oshirish, ularni sog‘lom turmush tarziga amal qilishlarini o‘rgatish maqsadida, Termiz shahridagi sport maktabiga tegishli bo‘lgan “DELFIN” suzish xavzasiga tashrif buyurilib, murabbiylar tomonidan suzish usullari bo‘yicha mashg‘ulotlar tashkillashtirildi.

Kunning ikkinchi yarmida, tadbir ishtirokchilarining dam olish kunlarini mazmunli o‘tkazish, yurtimizdagi tarixiy obidalar, viloyatimizdagi ma’daniy meros bo‘lgan obektlar bilan yaqindan tanishtirsh maqsadida ziyoratlar uyushtirildi.

Tadbirning 15 kunida tadbir ishtirokchilari va markaz tarbiyalanuvchilarida chet tillariga bo‘lgan qiziqishlarini, kasbga bo‘lgan qiziqishlarini uyg‘otish maqsadida, Surxondaryo viloyati Ichki ishlar boshqarmasi, Xavfsiz turizmni ta’minlash boshqarmasiga sayohat uyushtirildi, unda boshqarmadagi yurtimizga kelayotgan sayyoxlarni kutib olish uchun yaratilgan shart-sharoitlar, ularning xavfsizligini ta’minlash bilan bog‘liq chora-tadbirlar, texnikalar bilan yaqindan tanishtirildi.

Bu kabi tadbirlar yoshlarda turizm sohasidagi  tarjimon-git, turizm politsiyasi, menejmen kabi kasblarga bo‘lgan qiziqishlarini yanada uyg‘otishiga sabab bo‘ldi.

 “KELAJAK SARI” profilaktik tadbiri davom ettirilmoqda.