Surxondaryo viloyati Ichki ishlar boshqarmasi jamoat xavfsizligi xizmati huquqbuzarliklar profilaktikasi boshqarmasining voyaga yetmaganlarga ijtimoiy-huquqiy yordam ko‘rsatish markazida saqlanayotgan qizlar o‘rtasida o‘tkazilayotgan “KELAJAK SARI” profilaktik tadbiri o‘z yakuniga yetdi.

 Tadbirning yakuniy qismida ishtirokchilarga va  markaz tarbyachilanuvchilariga homiylar hisobidan bayramona dasturxon yozildi, Termiz shahar ma’daniyat uyi san’atkorlari tomonidan bayram dasturi uyushtirildi.

 Tadbirda, Termiz shahar yoshlar ishlari agentligi bo‘limi boshlig‘i F.Xalmuratov, “Ayollar realibitatsiya qilish va moslashtirish markazi” rahbari M.Hafizova, Termiz shahar Milliy gvardiya inspektor-psixologlari, Ijtimoiy himoya milliy agentligi Surxondaryo viloyati boshqarmasi boshlig‘i M.Tag‘oev va xodimlari, viloyat prokuraturasi voyaga yetmaganlar haqida qonunchilik ijrosi ustidan nazorat guruhi yordamchisi U.M.Ergashev,  viloyat IIB JXX HPB boshlig‘i o‘rinbosarlari O‘.Eshimova va F.Qurbonovlar so‘zga chiqishib,  tadbir qatnashchilarini kelgusidagi ishlariga zafarlar yor bo‘lishini tilab, qimmat baho sovg‘alar ulashdilar, bundan tashqari bir oy davomida o‘tkazilgan tadbirda qizlar Angor tumanida joylashgan “Ishga marhamat” monomarkazida o‘qib-o‘rgangan kasb-hunarlari yuzasidan tadbir so‘ngida maxsus SERTIFIKATlar bilan taqdirlanishdilar.

Tadbirda bir qancha ishlar amalga oshirildi, jumladan  ijtimoiy xavf ostida bo‘lgan oilalarda yashab kelayotgan yoshlarning oilasini o‘rganilib markazga joylashtirildi, yashash joylarida va tahsil olayotgan ta’lim muassasalarida aniqlangan huquqbuzarliklarga imkon yaratuvchi omillarni bartaraf etish choralari ko‘rildi, kasbga bo‘lgan qiziqishlariga ko‘ra kasb-hunarga yo‘naltirilib, “Vatanparvarlik” hissini shakallantirish va kelajak hayotga ijtimoiy moslashtirish yuzasidan chora-tadbirlarini amalga oshirildi, voyaga yetmagan balalarning ota-onasi va ularning o‘rnini bosuvchi shaxslarning bandligi ta’minlanishida amaliy yordam berildi, voyaga yetmaganlarga ijtimoiy-huquqiy va psixologik yordam ko‘rsatildi, hulq-atvorida ijobiy tomondan o‘zgarishlar bo‘lganlari profilaktik  ro‘yxatdan chiqarish choralarini ko‘rildi.Kelgusida qo‘shimcha tashkil etilishi lozim bo‘lgan ishlar “Yo‘l xaritasi” tuzib olindi.

“KELAJAK SARI” profilaktik tadbiri o‘z yakuniga yetkazildi.