O‘zbekiston Respublikasi Vazirlar Mahkamasining 2019 yil 27 sentabr kunidagi qarori hamda IIVning joriy yil 24 sentabr kunidagi tegishli farmoyishiga asosan oktabr oyining ilk haftasi ichki ishlar organlarida “Keksalar haftaligi” deb e’lon qilinganligi, shuningdek, ichki ishlar organlariga yangi qabul qilingan yosh xodimlarni tizimga moslashishida hamda ichki ularda harbiy-vatanparvarlik tuyg‘usini, ma’naviy saviyasini va intellektual salohiyatini yuksaltirishni ta’minlash, qolaversa, mamlakatimizning qadimiy va boy madaniyati, azaliy qadriyatlari, udumlari va an’analariga asoslangan keng dunyoqarashni shakllantirish, ichki ishlar organlari xodimlari ongiga Vatan himoyasi har bir fuqaroning sharafli va muqaddas burchi ekanini, davlat va jamiyat xavfsizligini ta’minlash uchun mas’uliyat tuyg‘usini yanada chuqur singdirish maqsadida joriy yilning 09 oktabr kuni Surxondaryo viloyati ichki ishlar boshqarmasi rahbariyati, yosh xodimlar, tizimda uzoq yillar samarali xizmat qilib, xozirda nafaqa gashtini surayotgan Faxriylar hamda Ichki ishlar vazirligi Surxondaryo Akademik litseyi o‘quvchilari bilan “Uch avlod uchrashuvi” tashkil etildi.

Uchrashuvda, dastlab Viloyat Ichki ishlar boshqarmasi boshlig‘i o‘rinbosari podpolkovnik Shadiev Sherzod Fayzullaevich so‘zga chiqib, jonajon O‘zbekistonimizda hukm surayotgan tinchlik-osoyishtalik, millatlararo totuvlik, bag‘rikenglik muhitini ko‘z qorachig‘idek asrab-avaylash, bunday bebaho ne’matni qadriga yetish, Yangi O‘zbekiston taraqqiyoti yo‘lida bir mushtga jipslashib, davlatimiz rahbariga tayanch va suyanch bo‘lib xizmat qilish, kelgusi avlodlarni shu ruhda kamol toptirish muqaddas burch ekanligini ta’kidlab o‘tdi.

Shundan so‘ng, Viloyat Ichki ishlar boshqarmasi Faxriylar kengashi raisi iste’fodagi podpolkovnik Sharafutdinov Akram Himoytidinovich so‘zga chiqib, o‘zining uzoq va mashaqqatli xizmat yillari haqida tadbir ishtirokchilariga so‘zlab berdi va bugungi kunda yurtimizda yoshlarga shu qatori faxriylarga ham hukumatimiz tomonidan berilayotgan imkoniyatlarni alohida etirof etib, albatta bu kabi IIO xodimlari uchun yaratilayotgan shart-sharoitlardan oqilona foydalanish kerakligini, shuningdek faxriylar yosh xodimlar uchun doimiy ravishda mas’ul ekanliklarini ta’kidlab o‘tdi.

Uchrashuv davomimda, o‘quvchi yoshlar o‘zlarini qiziqtirgan savollariga soha mutaxassislari tmonidan kerakli javoblar olishdi.

Uchrashuv so‘ngida yoshlarni vatanparvarlik ruhida tarbiyalashda o‘zlarining munosib xissasini qo‘shib kelayotgan bir guruh faxriylar hamda o‘quv davri mobaynida tengdoshlariga o‘rnak bo‘lib kelayotgan o‘quvchi yoshlar boshqarma boshlig‘ining tashakkurnomalari va kitoblar to‘plami bilan taqdirlandilar.

Albatta bu kabi uchrashuvlarnimuntazam ravishda tashkil etib borish, muhtaram Prezidentimiz aytganlaridek, Yangi O‘zbekistonda “Yangi ichki ishlar organlari xodimlari” uchun yangi tashabbuslar, g‘oyalarni yaratilishiga turtki bo‘ladi. Ular esa shubhasiz, real hayotiy natijalarga aylanib, yurtimiz taraqqiyotini baland cho‘qqilariga olib chiqishga xizmat qiladi.