Yo‘lovchi tashish bilan shug‘ullanuvchi taksi uyushmalari haydovchilari o‘rtasida targ‘ibot tadbirlari o‘tkazilmoqda.
Viloyatimiz hududiga tashrif buyuruvchi
xorijiy va mahalliy sayyohlarning boradigan manzillariga qulay va xavfsiz yetkazish,
hushmuomalalik bilan sifatli xizmat ko‘rsatish qolaversa, yo‘llarda harakatlanish
davomida belgilangan tartib qoidalarga amal qilish yuzasidan, viloyat ichki ishlar
boshqarmasi Xavfsiz turizmni ta’minlash boshqarmasi xodimlari tomonidan Termiz shahridagi
yo‘lovchi tashish bilan shug‘ullanuvchi onlayn taksi uyushmalari haydovchilari va
ishchi xizmatchilari o‘rtasida tegishli profilaktik targ‘ibot tadbirlari o‘tkazilmoqda.
Shuningdek, yo‘lovchi tashish davomida xorijiy sayyohlar
bilan bog‘liq biror-bir ko‘ngilsiz holatlar sodir etilgan taqdirda zudlik bilan
Xavfsiz turizmni ta’minlash boshqarmasiga xabar berishlari tushuntirilib, navbatchilik
qismi telefon raqamlari aks ettirilgan tarqatma bukletlar ulashilmoqda.
