Joriy yilning 12 oktabr kuni Viloyat IIB boshlig‘i o‘rinbosari podpolkovnik Sh.F.Shadiev hamda IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i podpolkovnik Q.B.Samandarovlarning huzurida 2023 yilning 9 oyi davomida Qiziriq tumani hududida jinoyatchilik, terrorizmga qarshi kurashish, ularning oldini olish, jamoat tartibini saqlash va fuqarolar xavfsizligini ta’minlash, ijtimoiy-siyosiy vaziyatning doimiy o‘rganib borish borasida tuman IIB xodimlari tomonidan amalga oshirilgan ishlar muhokamasiga bag‘ishlangan yig‘ilish o‘tkazildi.

     Muhokamada boshqarma boshlig‘ining o‘rinbosari podpolkovnik Sh.F.Shadiev so‘zida “qizil” toifaga kiritilgan mahalla profilaktika inspektorlari sodir etilgan jinoyatlarni chuqur tahlil etmaganligi, shundan kelib chiqqan holda o‘zlariga “Yo‘l xaritasi” ishlab chiqmaganligi, har bir jinoyat bo‘yicha uni sodir etayotgan shaxslar haqida to‘liq ma’lumotga ega emasligi, amaliy chora-tadbirlar belgilab olinmaganligi, muammolarni ijobiy hal etish amaliyoti to‘g‘ri yo‘lga qo‘yilmaganligi, qarindosh-urug‘lar va qo‘ni-qo‘shnilar o‘rtasidagi nizo o‘z vaqtida aniqlanib, uni bartaraf etish choralari ko‘rilmaganligi, muqaddam sudlangan shaxslar bilan ishlash tizimi to‘g‘ri tashkil etilmaganligini, tumanning “Rabatak” mahallasi ham “qizil” toifaga kiritilganligi, ushbu mahallada joylashgan “Dehqon bozori” hududida radiouzel yordamida fuqarolar va sotuvchilarni ogohlikka chaqirish lozimligi, bundan tashqari aholi ko‘p to‘planadigan hududlar, jumladan, bozorlar, Davlat xizmatlari markazi, tuman tibbiyot birlashmasi, tuman IIBdagi MvaFRG hamda YHXG kutish xonalarida ekran orqali bugungi kunda ko‘plab sodir etilayotgan o‘g‘irlik, firibgarlik, kibr jinoyatchilik, oila turmush doirasida sodir etilayotgan va avtohalokatlar haqida videoroliklar namoyish etilishini yo‘lga qo‘yish lozimligi, kriminogen vaziyati og‘ir bo‘lgan mahallalarga boshliq o‘rinbosarlari biriktirilib, ushbu hududlarda jinoyatchilikni jilovlash choralari ko‘rilishi lozimligini, ayollar jinoyatchiligini oldini olish borasida OAVlarida chiqishlar qilinmaganligi, inspektor psixologlar maktablarda jinoyatchilikni oldini olish borasida ishlar tashkil etishlari lozimligi, mahalla profilaktika inspektorlari va YHXG xodimlar xamkorlikda mast holda avtomashina boshqarish holatlarini aniqlash choralarini ko‘rishlari lozimligini ta’kidlab o‘tdi.

         Shundan so‘ng O‘zbekiston Respublikasi IIV ShXBB Surxondaryo viloyati bo‘yicha boshqarmasi boshlig‘i podpolkovnik Q.B.Samandarov so‘z olib, respublika bo‘yicha xodimlar tomonidan  xizmat vaqtida va xizmat kiyimida spirtli ichimliklar iste’mol qilmasliklari, noqonuniy avtomashina boshqarmasliklari, internet tarmog‘i orqali tavakkalchilikka asoslangan o‘yinlarda ishtirok etmasliklari, yengil tabiatli  ayollar bilan ishqiy munosabatlarga, boshqalar bilan qarz, oldi-berdisiga kirishmasliklari, xodimlarning qanday muammolari bo‘lsa rahbarlariga yoki viloyat rahbariyatiga ma’lum qilishlari, ular tomonidan yordam berilishi, xizmat va shaxsiy kompyuterlarida maxfiy hujjatlarni saqlamasliklari, fuqarolarning murojaatlari yuzasidan to‘plangan ma’muriy hujjatlarni asossiz ravishda olib yurmasliklarini ta’kidlab o‘tdi.