Surxondaryo viloyati Ichki ishlar boshqarmasi boshlig‘i tomonidan tasdiqlangan tizimda korrupsiya illatlariga qarshi kurashish, uning barvaqt oldini olish, xodimlar o‘rtasida xizmat intizomi va qonunchilikni mustahkamlash hamda shaxsiy tarkib bilan bog‘liq salbiy holatlar profilaktikasi yuzasidan ichki ishlar organlarida o‘tkazilishi belgilangan yig‘ilishlar rejasiga asosan joriy yilning 13 aprel kuni Qiziriq tumani IIB majlislar zalida o‘tkazilgan yig‘ilishda, viloyat ichki ishlar boshqarmasi boshlig‘i o‘rinbosari podpolkovnik Sh.Shadiev, IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i podpolkovnik Q.Samandarov hamda ichki ishlar faxriylari ishtirok etishdi.

Yig‘ilishda joriy yil davomida viloyat IIB xodimlari tomonidan sodir etilgan salbiy holatlar yetkazilib, shaxsiy tarkib o‘rtasida xizmat intizomi va qonunchilikni mustahkamlash, xodimlar orasida turli korrupsion hamda favqulodda ro‘y beradigan salbiy holatlarning oldini olish, bu borada belgilangan chora-tadbirlar ijrosiga bag‘ishlangan tanqidiy ruhda yig‘ilish bo‘lib o‘tdi. 

Ushbu yig‘ilishda ichki ishlar organlari xodimlari tomonidan xizmat intizomi va qonunchilikka rioya etish, faoliyat davomida korrupsion va favqulodda holatlar sodir etilishini oldini olish, “xodimbay” ishlashni yanada kuchaytirish, shaxsiy tarkibning oila a’zolari bilan mustahkam aloqa o‘rnatish ko‘plab ko‘ngilsizliklarning oldini olishga xizmat qilishi yig‘ilish ishtirokchilarga tushuntirildi. 

Shuningdek, yig‘ilishda korrupsiyaga qarshi kurashish bo‘yicha tayyorlangan videorolik shaxsiy tarkib e’tiboriga havola etilib, har bir ichki ishlar organlari xodimlari qonunchilik hamda xizmat intizomiga rioya qilishi bo‘yicha qattiq ogohlantirildi.