Qiziriq tumani Ichki ishlar bo‘limida yoshlar uchun “Ochiq eshiklar kuni” tashkil etildi.
Mamlakatimiz kelajagini belgilashda
shijoatli, qat’iy, maqsadni aniq qo‘yib, shu asosda harakat qilayotgan yoshlarning
o‘rni katta albatta.
Yurtimizda amalga
oshirilayotgan keng ko‘lamli, ma’naviy-ma’rifiy islohotlardan ko‘zlangan asosiy
maqsad – yurt tinchligi va barqarorligini, xalqimiz farovonligini ta’minlash, yoshlarimizni
milliy qadriyatlarimiz asosida vatanparvarlik, fidoyilik va yaratuvchanlik ruhida
tarbiyalashdir.
Yoshlarni vatanparvarlik,
vatanga bo‘lgan muxabbat ruxida tarbiyalash, yoshlarni huquqiy savodxonligi va qonunga
itoatkorlik hissini oshirishga qaratilgan keng ko‘lamli tadbirlar amalga oshirilib
kelinmoqda.
Shu maqsadda bugun
Qiziriq tumani ichki ishlar bo‘limida Ichki ishlar vazirligining 2024 yil 13 yanvar
kunidagi tegishli buyrug‘i ijrosini ta’minlash borasida tumandagi uyushmagan yoshlar
hamda maktab o‘quvchilari ishtirokida “Ochiq eshiklar kuni” bo‘lib o‘tdi.
Tadbir davomida
yoshlarga tuman Ichki ishlar bo‘limi boshlig‘i Sh.Allamurotov hamda IIB xodimlari
tomonidan bugungi kunda yoshlarni vatanga sadoqat ruxida tarbiyalash, yoshlar o‘rtasida
huquqbuzarlik va jinoyatchilikning oldini olish, yoshlar ma’naviyatini yuksaltirish
borasidagi ishlar hamda ko‘rgazmali chiqishlar namoyish etildi.
Shuningdek, tadbirda
tuman IIB xodimlariga xalq uchun xizmat qilish borasida yaratilgan shart-sharoitlar
bilan tanishtirildi.
Tadbir davomida yoshlar
o‘zlarini qiziqtirgan savollariga soha mutaxassislari tomonidan javoblar olishdi.
