Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari H.Nurmatov so‘zga chiqib, Ichki ishlar organlarida joriy yilning 1-iyun kunidan 30-iyun kuniga qadar “Qonuniylikni ta’minlash va temir intizom oyligi” o‘tkazilayotganligi munosobat bilan shaxsiy tarkibning xizmat kiyim-boshlarini kiyib yurishi, yo‘l-harakati qoidalariga rioya qilishlari nazorat qilinib, ular tomonidan salbiy xatti-harakatlarni sodir etilishini oldini olish maqsadida tushuntirish ishlari olib borildi.

Shundan so‘ng, viloyat IIB Ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari H.Nurmatov muhtaram Prezidentimiz, Ichki ishlar vazirligi hamda viloyat IIB tomonidan Faxriylarga yaratilayotgan shart-sharoitlar haqida to‘xtalib, bugungi kunda faxriylar bilan ishlash tizimi yangi bosqichga ko‘tarilayotganligini alohida ta’kidlab o‘tdi.

Yig‘ilish davomida Qiziriq tumani IIB Faxriylar kengashi raisi lavozimiga nomzod ko‘rsatilib, yig‘ilish qatnashchilari tomonidan Faxriylar kengashi raisi etib, iste’fodagi mayor Mamataliev Usmon Qo‘shnazarovich, Bandixon tumani IIB Faxriylar kengashi raisi lavozimiga esa iste’fodagi serjant Xolto‘raev O‘rol Axmedovichlar bir ovozdan ma’qullandi.

Shundan so‘ng xodimlar tomonidan xizmat intizomini buzish holatlarini oldini olish maqsadida viloyat IIB Ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari H.Nurmatov tomonidan yakka tartibdagi profilaktik suhbatlar olib borilib, ularning xizmat xonalarida va ish yurituvidagi hujjatlari ko‘zdan kechirilib aniqlangan kamchilliklarni zudlik bilan bartaraf etish choralari ko‘rildi.