19 Iyun 2023 yil
522
Ijtimoiy tarmoqlarda Sho‘rchi tumani “To‘la” MFYda sodir etilgan tan jarohati bilan bog‘liq holat yuzasidan rasmiy munosabat
2023 yilning 18 iyun kuni soat 17:00 lar atrofida Sho‘rchi tumani “To‘la” mahallasida yashovchi fuqaro E.X. turmush o‘rtog‘i B.S.ga yashash uyining tomorqasiga ekilgan makkaning o‘tini olishni bir necha bor aytgan. Biroq, turmush o‘rtog‘i B.S. “agorotinga kirmayman, menga makka kerak emas!”-deb, gap qaytargan. Shundan so‘ng, E.X. jahli chiqib, qo‘li bilan urgan, B.S. yana gap qaytaravergandan so‘ng, supada turgan elektor simi bilan B.S. ning badaniga urib tan jarohati yetkazgan.
Mazkur holat yuzasidan, hozirgi vaqtda profilaktika inspektori tomonidan surishtiruv ishlari olib borilib, tegishli hujjatlar rasmiylashtirilgan va qonuniy qaror qabul qilish uchun Jinoyat ishlari bo‘yicha tuman sudiga yuborish choralari ko‘rilmoqda.
