Ijtimoiy tarmoqlarda Oltinsoy tumanidagi 8-umumta’lim maktabi o‘yingohida yuzaga kelgan tortishuv yuzasidan rasmiy munosabat
O‘zbekiston Respublikasi Vazirlar Mahkamasining 2023 yil 31 martdagi 05-21/1-771-son bayonida, yoshlarning bo‘sh vaqtini mazmunli tashkil etish, ularning iste’dodini ro‘yobga chiqarish uchun “Besh tashabbus olimpiadasi” o‘tkazilmoqda. Mazkur olimpiada doirasidagi musobaqalarning o‘tkazilishi bo‘yicha Viloyat IIBning 2023 yil 13 aprel kunidagi tegishli ko‘rsatmasi va tuman sport maktabining joriy yil 8 may kunidagi aloqa xatiga asosan shu kuni tuman IIB, MG Qo‘riqlash bo‘limi va FVBning kuch vositalarni ajratish bo‘yicha rejasi ishlab chiqilgan.
Shunga asosan, 2023 yil 27 may kuni Oltinsoy tumani “A.Bo‘taev” mahallasida joylashgan 8-sonli umumta’lim maktabi o‘yingohida tumandagi “Ipoq” va “Gulchechak” mahallalari o‘ynayotgan vaqtida hakam(X.A)ning qaroridan norozi bo‘lib “Ipoq” mahallasida yashovchi futbol o‘ynayotgan fuqarolar - N.B va boshqalar hakamlarga e’tiroz bildirib, og‘zaki tortishib qolgan vaqtida xizmatga jalb qilingan tuman IIB xodimlari jamoat tartibi buzilishining oldini olib, o‘yinchilarni ajratgan.
Kelishmovchilik vaqtida ichki ishlar organlari xodimlari hech kimni urmagan va hech kim tan jarohati olmagan.
