Muzrabod tumani “Fidokor” mahallasida yashovchi voyaga yetmagan H.Ikromov va Q.Suvonqulovning oilaviy nizolar sababli dars mashg‘ulotlariga qatnashmayotganligi, ular nazoratsiz va qarovsiz qolganligi bois Surxondaryo viloyat IIB JXX HPB Voyaga yetmaganlarga ijtimoiy huquqiy yordam ko‘rsatish markaziga joylashtirilgan. Markazda voyaga yetmaganlar bilan profilaktik suhbatlar olib borilib, psixologik yordam ko‘rsatildi. Kelgusida jinoyat sodir etmasligi va jinoyat qurboni bo‘lishini oldini olish maqsadida, ularning ota-onasi, mahalla faollari, sinf rahbari hamda mahalla profilaktika inspektori ishtirokida viloyat IIB JXX HPB VEIHYoK Markazida yig‘ilish muhokamasi o‘tkazildi.

     Muhokamada viloyat IIB JXX HPB boshlig‘i podpolkovnik A.Xudoyberdiev, Voyaga yetmaganlarga ijtimoiy huquqiy yordam ko‘rsatish markaz boshlig‘i v/b kapitan M.Jo‘raeva, markaz inpektor-ijtimoiy xodimi katta leytenant T.Abdiev, tuman xotin-qizlar masalasi bo‘yicha hokim o‘rinbosari M.Ashurova, tumannnigg 24-sonli maktab direktori O.Qurbonov, mahalla yettiligi,tuman inson ijtimoiy xizmatlar markazi bolalarni ijtimoiy himoya qilish sho‘basi mudiri o‘rinbosari M.Ilyosov, viloyat Milliy Gvardiya boshqarmasi bolalar bilan ishlash bo‘limi Muzrabot tuman inspektor psixoligi katta leytenant Sh.Ashurov mahalla yettiligi hamda faollari, nuroniy va oqsoqollar, maktab o‘qituvchilari ishtirok etdi. Unda viloyat IIB JXX HPB boshlig‘i podpolkovnik A.Xudoyberdiev  so‘zga chiqib, voyaga yetmaganlarning oilaviy yashash sharoitini doimiy ravishda nazoratga olish,  oiladagi nosog‘lom muhitni o‘rganib chiqish va farzandni muhim bir joyda yashashini ta’minlash lozimligini ta’kidladi. Tuman xotin-qizlar masalasi bo‘yicha hokim o‘rinbosari M.Ashurova voyaga yetmaganlar H.Ikromov va Q.Suvonqulovning maktabga doimiy ravishda ta’lim olishi va uning yashash sharoitini doimiy nazoratga olinishi yuzasidan mahalla xotin qizlar faolini murabbiy etib biriktirilishi hamda doimiy nazoratda bo‘shishligi  haqida fikr bildirib o‘tdi.

     Shuningdek, ular markazdan ketganidan so‘ng ta’lim tarbiyasi muntazam ravishda o‘quv mashg‘ulotlariga qatnashishi markaz xodimlari tomonidan monitoring qilib boriladigan bo‘ldi.    Xalqimizda “bir bolaga yetti mahalla ota-ona”, deyilganidek, har bir voyaga yetmagan bolaning taqdiriga davlatimiz befarq emas.