IIV Surxondaryo akademik litseyida, "Shoirlar sultoniga ehtirom" shiori ostida bayram tadbiri bo'lib o'tdi
O'zbekiston Respublikasi IIV Surxondaryo akademik litseyida 9-fevral kuni O'zbek mumtoz adabiyotining yorqin vakili Mir Alisher Navoiy tavalludining 581 yilligiga bag'ishlangan "Shoirlar sultoniga ehtirom" shiori ostida bayram tadbiri bo'lib o'tdi.
Tadbirni IIV Surxondaryo akademik litseyining ma'naviy-ma'rifiy va tarbiyaviy ishlar bo'yicha o'rinbosari podpolkovnik A.J.Nurkeldiev kirish so'zi bilan ochib, Alisher Navoiyning hayot va ijod yo'li to'g'risida qisqacha ma'lumotlar berib o'tdi.
Tadbirda Jarqo'rg'on tuman ma'naviyat va ma'rifat bo'limi boshlig'i U.Ibodov va O'zbekiston yozuvchilar uyushmasi a'zosi shoira V.Ermatovalar ham ishtirok etib, Alisher Navoiy ijodiga mansub bo'lgan g'azal va ruboiylaridan namunalar keltirishdi. O'quvchilar tomonidan Navoiyni madh etuvchi sahna ko'rinishlar va she'riy chiqishlar tadbir ishtirokchilari e'tiboriga namoyish etildi.
Surxondaryo viloyati IIB axborot xizmati
