20 Mart 2022 yil
364
IIV Surxondaryo Akademik litseyida "Assalom, Navro‘z, yangilanish, mehr oqibat va qadr-qimmat ayyomi" shiori ostida bayram tadbiri bo‘lib o‘tdi
Joriy yilda ham Navro‘z bayrami yurtimizning barcha go‘shalarida katta tantana bilan nishonlanmoqda. Shuningdek, IIV Surxondaryo akademik litseyida ham yangilanish, yasharish ayyomi bo‘lmish 21-mart Navro‘z umumxalq bayrami munosabati bilan "Assalom, Navro‘z, yangilanish, mehr oqibat va qadr-qimmat ayyomi" shiori ostida tadbir bo‘lib o‘tdi. Tadbirni akademik litseyi direktori podpolkovnik B.V.Bo‘riyev ochib berdi va bayram bilan barchani qutladi. Tadbir davomida milliy an’analarimiz jumladan, kelin salom, bahoriy raqslar hamda Vatanni madh etuvchi qo‘shiqlar o‘quvchilarimiz tomonidan ijro etildi. Shuningdek, o‘quvchilar tomonidan tarixiy qadriyat va an’analarimizni aks ettiruvchi ko‘rgazmalar hamda tarixiy xalq urf-odatlariga aylangan milliy o‘yinlar hamda sport chiqishlari ham namoyish etilib, unda o‘quvchilar o‘zlarining mahorat va kuchlarini sinashdilar. Tadbirda g‘olib bo‘lgan guruhlar akademik litsey ma’muriyati tomonidan faxriy yorliq va kitoblar bilan taqdirlanishdi.
Surxondaryo viloyati IIB Axborot xizmati
