IIV Surxondaryo akademik litseyi o‘quvchisi ikki karra “Jahon chempioni” bo‘ldi.
2022-yilning 15-18 dekabr kunlari Andijon viloyatining Andijon shahrida sportning "Usmonov Kombat sistems" turining "Full Kontakt" yo‘nalishi bo‘yicha o‘tkazilgan Jahon chempionati musoboqasida O‘zbekiston Respublikasi IIV Surxondaryo akademik litseyining 2-bosqich 3/21-guruh o‘quvchisi Xushboqov Bililjon 14-16 yosh toifasida 63.5 kg vazn toifasida musoboqada munosib ishtirok etib, yarim finalda Qozog‘iston va final bosqichida O‘zbekiston vakillarini mag‘lub etib, faxrli 1-o‘rinni egallab "Full Kontakt" yo‘nalishi bo‘yicha oltin kamar sohibiga aylandi.
Shuni alohida takidlash joizki, Xushboqov Biloljon joriy yilning 23-26- Iyul kunlari Qirg‘iziston Respublikasi Issiq ko‘l viloyatida sportning "Usmonov Kombat Sistems" turi bo‘yicha o‘tkazilgan Jahon chempionatida ham ishtirok etib, “Jahon chempioni” bo‘lgan edi. Shu tariqa IIV Surxondaryo akademik litseyining 2-bosqich 3/21-guruh o‘quvchisi B.Xushboqov ikki karra Jahon chempioni unvoniga sazovor bo‘ldi.
